föstudagur, október 13, 2006

Helgen

Listrýnideild Varríusar lýsir ánægju sinni með þá þróun í myndlistarumfjöllun að allar slíkar fréttir skuli myndskreyttar með gamalli vinkonu hans úr menntaskóla, Nínu Magnúsdóttur. Frá fagurfræðilegum sjónarhóli er það tvímælalaust skynsamlegra en t.d. að birta myndir af myndlistinni sem fjallað er um.

Eins og sjá má verður Varríus á barnalegu nótunum um helgina. Er að tromma eitthvað í kvöld, fer á Karíus og Baktus á Akureyri og Skoppu og Skrítlu í Þjóðleikhúsinu. Missi reyndar af fyrsta opinbera giggi Stígs og Snæfríðar, en þau verða í Smáralindinni á laugardaginn kl. 15.40 eða þarumbil, síðust á mikilli ammælishátíð hins fimm ára gamla steinsteypureðurs.

Svo eru Systur á sunnudagskvöld. Tvær sýningar eftir og afsakanir fyrir að mæta ekki á þrotum.

Ef einhver hefur ekki áhuga á svoleiðis þá er ekki nema eitt að gera annað: Spila Saxxon! Mér vitanlega á dr. Stefán Óli enn Húsavíkurmet drengja.

Og svona til að róa vini mína: það er ekkert sem bendir til þess að Íslenska leyniþjónustan eða aðrir Sjálfstæðismenn lesi bloggið mitt. Heyri að vísu stundum torkennileg "klikk-hljóð" þegar ég opna bloggið, en það gæti eins stafað frá lyklaborðinu.

4 Ummæli:

Anonymous Nafnlaus sagði...

LLLAAANNNGGGG besti leikur sögunar!!!!!!!! ég er 12 ára aftur. kv. Þráinn

10:10 f.h.  
Anonymous Nafnlaus sagði...

Eitthvað hefur mér förlast í þessum leik. En jú, helsta afrek barnæsku minnar var að slá metið hans Hilmars í Rækjunni og halda því nokkra mánuði. En hann var eldri og með meira klink þannig að það entist ekki lengi.

11:08 f.h.  
Anonymous Nafnlaus sagði...

Ég er stundarinnarykkar aðdáandi. Alvegaðverðasexára stúlkan mín bíður spennt og er að bisa við að læra lagið úr síðasta þætti. Meira að segja barnalandskonurnar eru hrifnar og þar eru dómarnir nú iðulega MJÖG hreinskiptir:
http://barnaland.mbl.is/messageboard/messageboard.aspx?advid=5002513&advtype=52&page=2

12:49 e.h.  
Blogger Varríus sagði...

Velkomnir bræður. Lyktin af langstöðnu pylsuvatninu í Þingey slær fyrir vit þegar Saxxon ber á góma. Og auðvitað hlaut Hilmar Ívars að hafa metið, hann er Thierry Henry tölvuleikjanna (allavega Saxxon og PacMan).

Og Habbý, mikið er nú gaman að heyra að þetta er að virka á alla helstu markhópa - börn og fullorðna.

1:59 e.h.  

Skrifa ummæli

Gerast áskrifandi að Birta ummæli [Atom]

<< Heim