miðvikudagur, apríl 19, 2006

Hálfleikur

Íkorninn sem lengi vel hljóp um völlinn átti stórleik.

Ljungberg er mjög sennilega kjarnorkuknúinn og þarafleiðandi heppinn að vera hlutlaus Svíi en ekki Írani.

Lehman finnst ekki mjög leiðinlegt að verja aukaspyrnur frá Riquelme og nýtur þess að stilla fjölda manna í varnarveggnum í hóf.

Og lýsendum leiksins finnst ógurlega sniðugt að tala í sífellu um að dómari leiksins sé áhugaleikari.

Svolítið óheppnir, þar sem dómarastarfið er að sjálfsögðu hjáverkadæmi. Allir knattspyrnudómarar sýsla við aðra hluti milli þessara 90 mínútna á viku sem þeir blása í flautu og "skamma menn á táknmáli" eins og meistari Frosti syngur.

Eru þeir þá ekki áhugadómarar?

Nú vita þessir höfuðglópar ekkert um það hversu hátíðlega hr. Konrad Plautz tekur hitt áhugamálið sitt. Kannski er hann enn flottari leikari en dómari. Kannski er honum strítt á dómarastússinu í Leikdeild Umf. Linz, eða hvar sem hann stússar.

Kannski ættu þeir bara að halda sig við að blaðra um það sem þeir (ku) hafa vit á.

Allaveg Logi Ólafsson - er maðurinn annars ekki áhugafótboltalýsandi?

1-0 - Toure - frábært.

2 Ummæli:

Anonymous Nafnlaus sagði...

varríus...get vottað það að þetta var snilld..enda var ég þarna gallvaskur hnokkinn.

íkorninn dvaldi lengi við áður en sjónvarpsvélar fönguðu hann og vakti kátínu margra - wenger sagði eftir leik.. ,,he was a good drippler"
og svo léku ensku blöðin sér með þetta, t.a.m eitt var með fyrirsögnina ásamt mynd af íkornanum "ARE ALL HIGHBURY THAT NUTS"

logi getur slakað á- dómarinn var fínn áhugadómari og er örugglega magnaður leikari (þó að hann hafi gefið full mikið fyrir leikaraskap villarealmanna) - logi er lélegur lýsandi og fær borgað fyrir það pottþétt

5:34 e.h.  
Blogger Varríus sagði...

Svo er ekki leiðinlegt kommentið um að Highbury-íkorninn hafi meiri Meistaradeildarreynslu en Tottenham (svo nefnt sé nafn af handahófi úr símaskrá Islingtonhverfis)

1:34 f.h.  

Skrifa ummæli

Gerast áskrifandi að Birta ummæli [Atom]

<< Heim